បុរសម្នាក់ជិះម៉ូតូបុកគល់ឈើស្លាប់ខ្លួនឯងនៅស្រុកព្រៃឈរ
21-March-2016 | ដោយ មែន កំសត់
កំពង់ចាម ៖ គ្រោះថ្នាក់ចរាចរណ៍មួយកើតឡើងខ្លួនឯង ដោយមានបុរសមា្នក់បានជិះម៉ូតូយ៉ាងលឿន ក៏រេចង្កូតធ្លាក់ចិញ្ចើមថ្នល់រួចជ្រុលទៅបុកគល់ឈើ បណ្តាលឲ្យសា្លប់ភ្លាមៗនៅហ្នឹងកន្លែង។ ហេតុការណ៍នោះ បានកើតឡើងនៅតាមបណ្តោយផ្លូវជាតិលេខ៧ ស្ថិតនៅក្នុងភូមិផ្កាយព្រឹកឃុំមៀន ស្រុកព្រៃឈរ ខេត្តកំពង់ចាម កាលពីថ្ងៃទី២០ ខែមីនា ឆ្នាំ២០១៦។
សមត្ថកិច្ចបានឲ្យដឹងថា មុនកើតហេតុមានបុរសម្នាក់ឈ្មោះ សួន ចាន់ អាយុ៤៧ឆ្នាំ រស់នៅសង្កាត់វាលវង់ ក្រុងកំពង់ចាម ដែលប្រកបរបរអ្នករត់ម៉ូតូឌុបបានជិះម៉ូតូម៉ាកហុងដា១២៥ ពណ៌ខ្មៅ ពាក់ស្លាកលេខ ភ្នំពេញ 1AJ 6020 សេរីឆឆ្នាំ២០០៥ បានបើកក្នុងទិសដៅពីលិចមកកើត។ លុះមកដល់ចំណុចកើតហេតុ ស្រាប់តែម៉ូតូនោះបានរេចង្កូតធ្លាក់ចិញ្ចើមថ្នល់ទៅបុកគល់ឈើដោយ ខ្លួនឯង បណ្ដាលឲ្យស្លាប់ភា្លមនៅហ្នឹងកន្លែងកើតហេតុឯម៉ូតូខូចខាតយ៉ាងដំណំ ។ ក្រោយពីគ្រោះថ្នាក់រហូតបាត់បង់ជីវិត សមត្ថកិច្ចបានរង់ចាំក្រុមគ្រួសារមកទទួលយកធ្វើបុណ្យ៕
ចំនួនអ្នកទស្សនា
- ថ្ងៃនេះ7561
- ម្សិលមិញ15681
- សប្តាហ៍នេះ66401
- ខែនេះ88281
- ឆ្នាំនេះ88281
- សរុប20530737